Mindful Baby Steps ⟡ 廣東話親子靜心podcast
⚘ 陪伴孩子與爸媽，一步一步建立溫柔強大的內心⊹ 分享成長思維｜親子靜心練習LISTEN ON SPOTIFY
LISTEN ON APPLE PODCAST
LISTEN ON YOUTUBE
呢啲搜尋紀錄，係咪有啲似曾相識？
喺資訊爆炸、競爭激烈嘅香港，我哋都想為小朋友搵到最好嘅答案。但越係 search，有時反而越焦慮，越覺得自己做得唔夠好。
Kathy老師相信，好多問題嘅答案，其實唔喺外面，而係喺我哋同小朋友嘅內心深處。Mindful Baby Steps係一個專為香港家庭設計嘅廣東話親子靜心 Podcast。我哋唔會提供一個「標準答案」，而係希望透過靜心故事同親子練習，為你哋提供一個「工具箱」：
- 學習喺壓力下保持內心平靜
- 喺未知中搵到安全感
- 喺日常中培養專注同同理心
如果你都喺呢啲問題中掙扎緊，不妨點擊收聽其中一集，一齊喺靜心嘅小腳步中，搵出屬於你哋家庭嘅答案。
the stats
6
集數 EPISODES
160
下載次數 DOWNLOADS
598
收聽人數 LISTENERS
精選內容 featured episode
Ep1: 學識放低「別人嘅意見」呢個大書包
「嘩，你啲顏色好怪喎！」
小朋友，你有冇試過因為人哋一句說話，就覺得個心好似「噗」一聲跌咗落谷底？明明自己好鍾意嘅嘢，突然之間都變得唔想再掂...
今集「Mindful Baby Steps」，Kathy 老師會同我哋分享 Jason 同佢嘅「彩虹恐龍」嘅故仔，教我哋點樣戴返自己心入面嗰副「我好鍾意」眼鏡，學識放低「別人嘅意見」呢個大書包！
小朋友係我哋嘅鏡子。我哋點樣面對批評，佢哋都會睇在眼內、學在心裡。
想小朋友學識唔太介意人哋點睇，我哋可以由自身做起。今集 Podcast 嘅主題，其實大人都好需要。
我創作Mindful Baby Steps呢個 Podcast，源於一個簡單嘅願望…
希望每個小朋友同爸爸媽媽喺臨瞓前都聽到溫暖、正面嘅聲音，帶著平靜同愛意入睡zzz
作為一位兒童正念瑜伽導師，我知道宜家嘅小朋友面對學業、人際關係等嘅壓力，需要更多心靈上嘅支持。我希望呢個 Podcast 可以變成屋企臨瞓前嘅一個習慣，讓爸爸媽媽同小朋友一齊練習正念，學習成長思維🙌🏻
其實開始嘅時候我會因為追求完美而不安，亦擔心自己做得唔夠好。但我意識到，與其等待完美嘅時機，不如勇敢踏出baby steps。我嘅不完美同學習過程，正可以向小朋友展示，大人都會驚、都會懷疑自己，但我哋可以邊做邊學，不斷進步💪🏻如果你哋聽咗之後有任何意見、建議，或者想分享嘅經歷，我都好希望聽到🤍
嚟緊主要想同大家分享多啲關於：親子正念練習、成長思維培養、靜心呼吸練習、親子瑜伽伸展、育兒知識分享等等
我最大嘅願望，係喺小朋友心中種下正念嘅種子，讓佢哋學會接納自己、專注當下✨呢粒種子會慢慢發芽，成為佢哋面對生活挑戰時嘅內在力量。
最新集數 Latest episodes
