離開幼稚園老師崗位…
暑假來臨喇，見到又一班小朋友準備升班/畢業，心裡有啲感觸。諗翻其實我已經離開咗幼稚園老師崗位一年了🥹 發現原來自己一直都掛念教學生活，經常睇翻相簿入面以前嘅相🤣🤫 更加確定自己好喜歡同小朋友相處。於是，我選擇另一個身份，繼續陪伴小朋友成長 - 成為兒童正念瑜伽老師🤍
無論以前喺幼稚園，定係宜家教正念瑜伽，我都希望小朋友可以認識自己、接納自己，學懂欣賞自己嘅價值。喺每個人嘅成長路上，遇到唔同新挑戰時，難免會出現情緒起伏，甚至對自信心帶嚟考驗。我相信，只要有足夠嘅愛和支持，佢哋都可以學懂表達、管理自己嘅感受，慢慢建立自信，健康成長。
感恩可以一直陪伴大家，見證每一位小朋友嘅成長、蛻變。願我可以用一份溫柔及耐心，守護你哋身心健康，陪你哋走過每一段珍貴時光♡
