保良局 x 中信證券國際「共感．同行」青少年精神健康計劃

好感恩成為青少年精神健康大使，透過保良局 x 中信證券國際「共感．同行」青少年精神健康計劃 @ycac.plk 在中環街市把靜觀同接納情緒的訊息帶到更多人面前。

平日同小朋友相處、帶靜觀練習、教瑜伽時，我最常感受到嘅一句話：無論此刻係晴天定係暴雨，你嘅情緒都值得被溫柔地看見。

情緒嚟到，唔係要你「唔好唔開心」，而係請你停一停，問問自己：「我而家點解會有呢種感覺？」承認佢、擁抱佢，先係真正照顧自己的開始。尤其青少年時期，情緒來得特別快、衝擊特別大，好多時根本唔知點樣同佢共存。我好希望用自己嘅專業同經歷，陪大家一齊學會唔壓抑、唔否認，溫柔地與情緒同行。

活動當日見到好多朋友仔同屋企人特登嚟支持，真心好感動☺️🙏🏻仲有好多新朋友停低嚟畫心情、戴耳機靜觀、轉情緒輪盤、抽心語卡!! 佢哋分享：「原來可以咁樣同自己相處。」甚至有朋友話我設計嘅quote card靚到可以拎去賣🤣（認真考慮緊～）見到大家眼神多咗一份被理解的安心，我就覺得所有準備都值得 ٩(ˊᗜˋ*)و

無論情緒點樣起伏，背後嘅你永遠都值得被好好關顧。

感謝每一位到場嘅你，你哋係最好嘅心靈加油站 ♡